Президенти Тоҷикистон Эмомалӣ Раҳмон паёми имсолаи худ ба парлумонро санаи 23-юми январ ироа мекунад. Дар ин бора ба «Азия-Плюс» як манбаъ аз ҳукумати ҷумҳурӣ хабар дод.
«Сабаби асосии ба санаи дигар гузаронидани паёми президент ба парлумон аз моҳи апрели маъмулӣ ба моҳи январ дар он аст, ки шурӯъ аз соли 2014 соли молиявӣ дар Тоҷикистон на чун пешина аз 1-уми апрел, балки аз 1-уми январ оғоз мегардад», – гуфт манбаъ.
Қобили зикр аст, ки дар паём ба ҳарду палатаи парлумон президент самтҳои асосии сиёсати дохилӣ ва хориҷӣ, дурнамои рушди иҷтимоиву иқтисодии кишвар барои соли ҷориро муайян мекунад.
