Ҳизби халқии демократии Тоҷикистон аз ҳавзаи якмандатии интихоботии Рӯдакӣ роҳбари Маркази исломшиносии назди президенти ҶТ Муродулло Давлатовро номзад ба вакилӣ дар палатаи поёнии парлумон пешбарӣ кард. Дар ин бора як манбаъ аз ҲХДТ хабар дод.
Ёдрас мекунем, ки аз ин ҳавзаи якмандатии интихоботӣ аз Ҳизби наҳзати исломии Тоҷикистон номзадии муовини раиси ҲНИТ Маҳмадалии Ҳайит пешбарӣ шудааст.
Дар даъвати кунунии Маҷлиси намояндагони Маҷлиси Олии ҶТ ҳавзаи мазкурро номзади аз ҷониби ҲХДТ пешбаришуда Давлаталӣ Давлатзода намояндагӣ мекунад.
Ба иттилои манбаъ, рӯзҳои наздик ҲХДТ аз ҳавзаи якмандатии интихоботии Сомонӣ номзадии раиси Кумитаи иҷроияи ҲХДТ дар ноҳияи Рӯдакӣ Хайрулло Сӯфиевро ба вакилӣ дар парлумон пешбарӣ карланист.
Дар даъвати ҳозираи палатаи поёнии парлумони кишвар ҳавзаи мазкурро низ узви ҲХДТ Галия Рабиева намояндагӣ мекунад.
