Дар остонаи интихобот ба палатаи поёнии парлумон ва маҷлисҳои маҳаллии вакилони халқ Ҳизби демократи Тоҷикистон (ҲДТ) барномаи пешазинтихоботии худро бо теъдоди 150 ҳазор нусха ба нашр расонид.
Раиси ҲДТ Саидҷаъфар Исмонов ба «Азия-Плюс» дар ин робита иттилоъ дод, ки барнома ва платформаи ҳизб тибқи фармоиш дар саҳифаҳои нашрияи хусусии «Истиқлол» ба чоп расиданд, ки ба ин муносибат теъдоди чопи нашрия бамаротиб зиёд карда шудааст..
Ба гуфтаи Исмонов, дар интихобт ба палатаи поёнии парлумон ҲДТ 7 номзад пешбарӣ кардааст, ки 3 нафарашон тибқи рӯйхати ҳизбӣ аз ҳавзаи ягонаи умумиҷумҳуриявӣ ва 4 нафар аз ҳавзаҳои якмандатии итихоботӣ пешбарӣ шудаанд. «Ба сифати шахсони бовариноки номзадҳои ҲДТ 37 нафар фаъолони ҳизб ба қайд гирифта шуданд», – иброз дошт номбурда.
Зимнан зикр гардид, ки 68 нафар фаъолони ҲДТ ба ҳайси номзад ба вакилони маҷлисҳои вилоятӣ ва шаҳру навоҳӣ сабти ном шудаанд.
