Комиссияи марказии интихобот ва раъйпурсӣ (КМИР)-и Тоҷикистон нашри варақаҳои раъйдиҳӣ барои интихоботи парлумонии ба санаи 1-уми март таъиншударо ба итмом расонид.
Роҳбари дастгоҳи КМИР Тоҷикистон Абдуманнон Додозода дар ин робита иттилоъ дод, ки имрӯз варақаҳои овоздиҳӣ ба ҳавзаҳои интихоботӣ фиристода шуда, ду рӯз қабл аз санаи овоздиҳӣ ба ихтиёри қитъаҳои овоздиҳӣ супурда мешаванд ва таҳти назорату посбонии намояндагони мақомоти ҳифзӣ ҳуқуқ қарор мегиранд.
«Варақаҳои овоздиҳӣ асосан бо забони давлатӣ ва ҳамчунин русиву ӯзбекӣ ва қирғизӣ ба чоп расидаанд», – иброз дошт намояндаи КМИР ҶТ.
Қобили зикр аст, ки дар интихоботи парлумонии қарибулвуқӯъ ҳамаи 8 ҳизби сиёсии кишвар иштирок мекунанд. Ба ҷуз интихоби вакилон ба парлумон, дар як вақт интихобот ба маҷлисхои маҳаллии вакилони халқ низ доир мегардад.
