Роҳбари ҳайати нозирони САҲА Микшол Харастӣ ва коршинос оид ба масъалаҳои сиёсӣ хонум Даря Папротска рӯзи 19 феврал аз дафтари кории ҲНИТ боздид намуда, бо узви раёсати олии ҳизб, номзад ба вакили Маҷлиси намояндагон хонум Зарафо Раҳмонӣ мулоқот карданд.
Бино ба иттилои сомонаи расмии ҲНИТ, зимни ин мулоқот намояндаҳои САҲА оиди ширкати занон дар интихобот ва мушкилоти заноне, ки ҳамчун номзад ба фаъолияти пешазинтихоботӣ машғуланд, суҳбат намуданд, ки на танҳо ба Ҳизби наҳзат, балки ба дигар аҳзоби сиёсӣ низ рабт дошт.
Гуфта мешавад, илова бар ин дар робита ба ҷойгоҳ ва нақши зани тоҷик дар раванди интихобот ва то чӣ ҳад таъсири он суҳбат ва табодули назар сурат гирифт.
Зимнан зикр мегардад, ки баробари расидани маъракаи пешазинтихоботӣ ба Маҷлиси намояндагони МО ҶТ намояндаҳои созмонҳои хориҷӣ бо масъулини баландпояи Ҳизби наҳзати исломии Тоҷикистон суҳбату вохуриҳои зиёде дар қароргоҳи марказии ҳизб баргузор менамоянд, инро аз як ҷониб метавон хуб арзёбӣ кард.
