Рӯзи 25 феврали соли 2015 Сафири Ҷумҳурии Тоҷикистон дар Ҷумҳурии Исломии Покистон Шералӣ Ҷононов бо Вазири федеролии нафт ва захираҳои табиии Покистон Шаҳид Хоқон Аббосӣ мулоқот кард.
Бино ба иттилои Вазорати корҳои хориҷии ҶТ, зимни маҷмӯи масъалаҳои ҳамкории ду кишвар дар соҳаи коркарди нафт ва рушди инфрасохторҳои энергетикию нақлиётӣ баррасӣ шуданд.
Ба иттилои манбаъ, худи ҳамон рӯз дар Дафтари марказии Ширкатии миллии сохтмонии Ҳиндустон (National Buildings Construction Corporation Ltd.) мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Ҳиндустон Мирзошариф Ҷалолов бо Мудири кулл ва ҳамзамон директори иҷроияи он ширкат ҷаноби Ануп Кумар Миттал баргузор гардид.
Гуфта мешавад, дар рафти мулоқот Сафир ҳамсӯҳбатро бо шароити мусоид барои сармоягузорӣ ва фаъолияти ширкатҳои хориҷӣ, бозори сохтмони дохилии Тоҷикистон, имкониятҳои мавҷуда ва дастовардҳои кишвар шинос намуда, ҷонибҳо дар бораи имкониятҳо ва равиши ба роҳ мондани ҳамкориҳо мубодилаи афкор намуданд.
