Сессияи 4-ми омӯзишҳои бехатарии хӯроквории НАССР (аз англ. – Hazard Analysis and Critical Control Points – таҳлили хавф ва нуқтаҳои қатъии назорат) ва маркетинг дар чорчӯбаи лоиҳаи «Рушди сектори коркарди меваю сабзавот дар Қирғизистон ва Тоҷикистон» аз 24 то 26-ми марти соли 2015 дар конфронс-зали АМФОТ (куч. Фируз 14) ш. Душанбе баргузор мегардад.
Тавре аз намояндагии Иттиҳоди Аврупо дар ҶТ хабар доданд, дар чорчӯбаи сессияҳои мазкур сафари омӯзишӣ бо иштирокчиён ба корхонаи тҷљрибавии « Аква Ҷус» ташкил карда мешавад.
Чорабинии мазкур аз тарафи Ассотсиатсияи миллии соҳибкории хурду миёнаи Тоҷикистон дар якҷоягӣ бо ташкилоти ғайридавлатии British Expertise (Британияи Кабир) ва Иттиҳоди ҷамъиятии муассисаҳои саноати хӯроквории Қирғизистон, бо дастгирии молиявии Иттиҳоди Аврупо дар чорчӯбаи барномаи Осиёи Миёна – Инвест III баргузор мегардад.
Ин лоиҳа барои рушди корхонаҳои хурду миёнаи Тоҷикистону Қирғизистон, ки барои коркарди меваю сабзавот ҷалб шудаанд, равона шудааст.
Дар чорчӯбаи ин лоиҳа барои омӯзгорон омўзиши серӯза дар муддати соли ҷорӣ (ҳар семоҳа) гузаронида мешаванд.
Дар тренинг кормандони масъули сохторҳои давлатӣ, намояндагони сектори хусусӣ, коршиносон, намояндагони мактабҳои олӣ, ва роҳбарони ассосиатсияҳои соҳибкории манфиатдор ширкат меварзанд.
