Баргузории ҷаласаи навбатии муштараки ҳайати мушовара(коллегия)-и Вазоратҳои корҳои дохилии Тоҷикистон ва Русия аввали моҳи август дар шаҳри Сочии Русия ба нақша гирифта шудааст.
Аз ВКД Тоҷикистон ба «Азия-Плюс» дар ин робита иттилоъ доданд, ки ҷаласаи муштараки ҳайати мушовара таҳти раёсати вазирони корҳои дохилии Тоҷикистону Русия Рамазон Раҳимзода ва Владимир Колоколтсев баргузор мешавад.
Ба иттилои манбаъ, дар ин ҷаласа масъалаҳои марбут ба ҳамкории муштараки вазоратҳо дар мубориза бо терроризм ва ифротароии байнулмилалӣ, ҷинояткории фаромиллӣ ва муомилоти ғайриқонунии маводи мухаддир баррасӣ шуда, намояндагони ВКД Тоҷикистон ҳамчунин бо муҳоҷирони кории тоҷики машғули кор дар шаҳри Сочи як силсила вохӯриҳо барпо мекунанд.
Қобили зикр аст, ки ҷаласаи пешини муштараки ҳайати мушовараи Вазоратҳои корҳои дохилии Тоҷикистону Русия моҳи августи соли гузашта дар шаҳри Хуҷанд доир гардида буд.
