Созмони амнияту ҳамкории Аврупо (САҲА) дар изҳороти нимаи аввали ҳафтаи сипаришуда интишоркардааш аз ҳукуматдорони тоҷик даъват мекунад, ки уҳдадориҳои назди ин созмон ба зимма гирифтаашонро иҷро намоянд.
САҲА хотирррасон менамояд, ки сарфи назар аз тарафи дуюми музокираи сулҳ будани Ҳизби наҳзати исломии Тоҷикистон, онҳо ба нишони эътироз ба фишори шадид болои ҳизб аз таҷлили ҷашни Рӯзи ваҳдати миллӣ даст кашиданд.
Иттиҳоди Аврупо (ИА) низ ба ин нигаронии ҲНИТ ҳамфикр буда, дар гузориши ниҳоии миссияи ДИДҲБ/САҲА дар интихобот зикр гардида буд, ки ин маърака бидуни таъмини шароитҳои баробар барои номзадҳо доир гардид.
«Аз ҳамон замон фишор болои аъзои ҳизб афзуда, наворҳои шубҳаноки видео дар бораи сафҳои ҳизбро тарк кардани аъзои он пайдо шуданд. Мо ҳамчунин аз маводи чанде қабл дар газетаи ҳукумат чопшуда оид ба оғоз гардидани парвандаи ҷиноӣ нисбати раиси ҲНИТ Муҳиддин Кабирӣ ба иттиҳоми ғайриқонунии хусусигардонии амвол 16 сол пеш низ нигаронем», – гуфта мешавад дар изҳороти Иттиҳоди Аврупо.
