Барои иштирок дар амалиёти ҷангӣ дар Сурия дар сафи гурӯҳи Давлатӣ исломӣ як сокини вилояти Суғд ба 16 соли зиндони низомаш шадид махкум шуд. Ин нахустин парванда оид ба иштирок дар амалиёти ҷангӣ дар давлатҳои хориҷӣ мебошад, ки дар суди вилоят баррасӣ шуд.
Тавре ба «Азия-Плюс» як манбаъ аз суди вилоят хабар дод, сокини 29-солаи шаҳраки Нови ноҳияи Спитамен А.У. дар содир намудани ҷиноятҳо мутобиқи моддаҳои 187, қ. 2 ва 401-и Кодекси ҷиноии ҶТ гунаҳкор дониста шудааст.
Ба иттилои манбаъ, маҳкумшуда соли 2013 ба Сурия рафта, ихтиёрӣ ба сафҳои гурӯҳи террористии «Ҷабҳат ан-Нусра» пайвастааст. Ӯ муддати 15 рӯз дар урдӯгоҳҳои ҷангӣ таълим гирифта, сипас ба Маскав меояд ва дар ин ҷо аз аъзои ин гурӯҳ аъзоҳаққӣ ҷамъоварӣи намуда, барои онҳо ҳуҷҷат омода мекардааст.
Моҳи январи соли 2015 ҳангоми назди ҳамсараш ба Украина рафтан зимни убури марзи Украина боздошт ва ба Тоҷикистон истирдод мешавад.
