Рӯзи 2 декабри соли 2015 мулоқоти Муовини вазири корҳои хориҷии Ҷумҳурии Тоҷикистон Низомиддин Зоҳидӣ бо Муовини якуми ёвари Котиби давлатии Штатҳои Муттаҳидаи Америка оид ба кишварҳои Осиёи Ҷанубӣ ва Марказӣ Уиллиам Тодд баргузор гардид.
Бин ба иттилои Вазорати корҳои хориҷии ҷумҳурӣ, дар рафти мулоқот, ҷонибҳо ҳолати кунунӣ ва дурнамои ҳамкориҳои дуҷониба дар соҳаҳои энергетика, иқтисодиёт, нақлиёт, амнияти минтақавӣ ва мубориза бар зидди терроризм ва инчунин ташаббуси ШМА-ро оид ба таъсиси гурӯҳҳои корӣ оид ба татбиқи Эъломияи «С5+1», ки дар рафти якумин ҷаласаи муштараки роҳбарони вазоратҳои корҳои хориҷии кишварҳои Осиёи Марказӣ ва ШМА дар шаҳри Самарқанд 1 ноябри соли 2015 қабул гардида буд, мавриди муҳокима қарор доданд.
