Дар шаҳри Петербурги Русия шаҳрванди Тоҷикистон, ки дар шабакаҳои иҷтимоӣ ба сафҳои ба ном Давлати исломӣ пайваста, ба паҳнкунии аксҳои дорои хусусияти ифротгароӣ машғул буд, ба ҳабс гирифта шуд.
Бино ба
иттилои
сомонаи расмии прокуратураи Петербург, шаҳрванди Тоҷикистон Давронҷон Давлатов санаи 14 март боздошт шуда, рӯзи дигараш суди ноҳияи Кирови шаҳр ба ҳабси ӯ бо мақсади истирдоди минбаъда иҷозат додааст.
Гуфта мешавад, мақомоти ҳифзи ҳуқуқи Русия нисбати боздоштшуда корҳои марбут ба ҷавобгарии ҷиноятӣ кашидани ӯро анҷом намедиҳанд.
«Муайян карда шуд, ки зимни будубош дар қаламрави Русия Давлатов дар шабакаи иҷтимоӣ ба сафҳои созмони фаъолияташ дар қаламрави Русия мамнӯъи ба ном «Давлати исломӣ» пайваста, дар саҳифаи худ дар шабака ба паҳн кардани аксҳои дорои хусусияти ифротгароӣ машғул буд», – қайд мешавад дар маълумот.
