Дар ҳошияи иҷлоси 71-уми Маҷмаи умумии СММ Вазири корҳои хориҷии Тоҷикистон Сироҷидин Аслов бо Вазири федеролии Австрия дар умури Аврупо, ҳамгироӣ ва корҳои хориҷӣ Себастиан Куртс мулоқот доир намуд.
Бино ба иттилои Вазорати корҳои хориҷии ҷумҳурӣ, дар рафти суҳбат масъалаҳои мубрами рушди муносибатҳои дуҷониба ва бисёрҷонибаи Тоҷикистон ва Ҷумҳурии Австрия мавриди табодули назар қарор гирифтанд.
Гуфта мешавад, дар ҷараёни мулоқот бо Муовини Котиби давлатии ИМА оид ба масъалаҳои амнияти шаҳрвандӣ, демократия ва ҳуқуқи инсон Сара ҷонибҳо ҳолати кунунӣ ва дурнамои рушди муносибатҳои дуҷониба ва бисёрҷонибаи Тоҷикистон ва ИМА-ро дар самтҳои мухталиф мавриди баррасӣ қарор доданд.
Зимни вохӯрӣ бо бо Вазири корҳои хориҷии Муғулистон Тсенд Мунх масъалаҳои мубрами рушди муносибатҳои дуҷониба ва бисёрҷонибаи Тоҷикистон ва Муғулистон мавриди муҳокима қарор гирифта, ҷонибҳо инчунин вобаста ба ҳамроҳшавии Тоҷикистон ба Созишномаи бисёрҷониба оид ба таъсиси Маркази таҳлилӣ барои кишварҳои маҳсур дар хушкӣ табодули назар намуданд.
Дар мулоқот бо бо Дабири Кулли Созмони Амният ва Ҳамкорӣ дар Аврупо Ламберто Занниер чонибҳо оид ба ҳолати кунунӣ ва дурнамои рушди ҳамкориҳои Тоҷикистон ва САҲА дар самтҳои мухталифи мавриди таваҷҷуҳи тарафайн табодули назар намуданд.
