Кумитаи ҳолатҳои фавқулодда ва мудофиаи гражданӣ (КҲФ ва МГ)-и назди Ҳукумати Тоҷикистон аз ноустувории вазъи обуҳаво ва поинравии ҳарорат дар қаламрави кишвар дар рӯзҳои наздик маълумот медиҳад.
Бино ба иттилои Кумита бо такя ба маълумотҳои пешгўии Агентии обуҳавошиносӣ, рӯзҳои аз 22 то 25 январи соли 2017 дар ҷумҳурӣ ҳаво ноустувор гардида, дар водиҳо боридани борону барфи зиёд ва паст фаромадани ҳарорати ҳаво то – 8- 12 дар назар аст.
«Дар минтақаҳои алоҳидаи баландкӯҳҳо, хусусан дар Вилояти Мухтори Кӯҳистони Бадахшон шабона ҳарорати ҳаво то – 30 – 35 паст фаромада, дар ағбаҳои кӯҳӣ туман, яхбандӣ пешбинӣ мешавад ва ҳамчунин дар ноҳияҳои кӯҳӣ фаромадани тарма аз эҳтимол дур нест», – омадааст дар маълумоти Кумита.
Гуфта мешавад, бинобар он, аз шаҳрвандони ҷумҳурӣ ва меҳмонон хоҳиш карда мешавад, ки дар ин давра аз сайру гашт, ҷамоварии ҳезум, шикор ва сафар кардан тавассути минтақаҳои куҳию осебпазир худдорӣ намуда, ҳаракати воситаҳои нақлиёт тавассути роҳҳои кўҳӣ ва ағбаҳо маҳдуд карда шавад.
«Дар ҳолатҳои зарурӣ воситаҳои нақлиёт барои ҳаракат дар шароитҳои барфу яхбандӣ ва туманнокӣ бо таҷҳизотҳои зарурӣ таъмин карда шуда, ронандаҳо қоидаҳои бехатариро дар роҳҳо ҳатман риоя намоянд. Ба аҳолӣ тавсия дода мешавад, ки ҳангоми ҳаракат дар кӯчаҳо аз эҳтимолияти шикастани дарахтон, кандашавии хатҳои интиқоли барқ ва афтодани яхпораҳо аз биноҳои баландошёна бо эҳтиёт бошанд», – тавсия медиҳад Кумита.
Зимнан зикр мегардад, ки ҳангоми ба амал омадани ҳолатҳои фавқулодда ва рух додани ҳодисаҳои нохуш шаҳрвандон метавонанд ба телефонҳои навбатдорони фаврӣ муроҷиат намоянд:
Навбатдорони Кумита- 111, 221-91-19, 223-13-11»
Навбатдорони Ситоди шаҳри Душанбе – 225-44-62, 225-44-76
Навбатдорони Ситоди ВМКБ – код 3522 тел: 24057, 22744
Навбатдорони Ситоди вилояти Суғд- код 3422 тел: 51555, 57995
Навбатдорони Ситоди вилояти Хатлон – код 3222 тел: 23505, 27827
Навбатдорони Ситоди минтақаи Кулоб – код 3322 тел: 21656, 21657
Навбатдорони Ситоди минтақаи Рашт – код 3131 тел: 22374
Навбатдорони Ситоди минтақаи Ҳисор- код 3139 тел: 26074
