Кормандони Раёсати кофтукови ҷиноятии Вазорати корҳои дохилӣ марди 54-солаи сокини ноҳияи Шоҳмансури пойтахтро бо гумони ташкил ва нигоҳдошти фоҳишахона дастгир карданд.
Бинои ба иттилои ВКД Тоҷикистон, номбурда дар кӯчаи Лоҳутӣ манзилеро муваққатан ба иҷора гирифта, ба фоҳишахона табдил дода, ба марди 28-сола ва зани 29-солаи сокинони пойтахт барои алоқаи ҷинсӣ намудан шароит фароҳам оварда, аз онҳо 1000 рубли Федератсияи Россия мукофотпулӣ гирифтааст.
Номбурда ҳамчунин дар кӯчаи Назаршоеви пойтахт дукони Кошонаи ҳусни табобатӣ кушода, кошонаи мазкурро ба фоҳишахона табдил дода, ба шаҳрвандон: марди 23-сола ва зани 36-солаи сокинони пойтахт барои алоқаи ҷинсӣ намудан шароит фароҳам оварда, аз онҳо 140-сомонӣ мукофотпулӣ гирифтааст.
Ҳамин тариқ, ӯ дар кӯчаи Айнии пойтахт дукони Кошонаи ҳусни табобатӣ кушода, кошонаи мазкурро ба фоҳишахона табдил дода, ба шаҳрвандон: марди 35-сола ва зани 29-солаи сокинони шаҳри Душанбе барои алоқаи ҷинсӣ намудан шароит фароҳам оварда, аз онҳо 100 сомонӣ мукофотпулӣ гирифтаааст.
Гуфта мешавад, аз рӯи ин ҳодисаҳо парвандаи ҷиноятӣ оғоз гардида, тафтишот идома дорад.
