«Осмони Душанбе» – чунин ном дорад Фестивале, ки дар шаҳри Душанбе дар ҷашни Рӯзи пойтахт баргузор мешавад.
Сарпарасти кулли Фестивал ширкати муваффақи ватании истеҳсолкунандаи обҳои нӯшокии «Оби зулол» буда, ташкилкунандаи чорабинӣ гурӯҳи расонаҳои «Азия-Плюс» мебошад, ки ин чорабинии ҷолибро бо дастгирии мақомоти шаҳрдории Душанбе баргузор мекунад.
Фестивал дар боғи «Наврӯзгоҳ» назди шаршара гузаронида мешавад.
Ба гуфтаи ташкилкунадагони чорабинӣ, дар пойтахт чунин фестивал бори нахуст гузаронида шуда, барои сокинон ва меҳмонони шаҳр ҷашни оилавӣ – озмунҳои шавқовару ҷоизаҳо, бозиҳои миллӣ, мусиқии идона, таронаву сурудҳо дар бораи пойтахт, хӯроки бомаза ва нӯшокиҳои ташнашикан пешниҳод мегардад.
Иштирок дар ин чорабинӣ бепул буда, бодбаракҳо (воздушные змеи)-и рангаву ҷолиб мустақиман дар чорабинӣ бо нархи дастрас фурӯхта мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
