Раиси хоҷагии деҳқони “Мирзоодил”-и ноҳияи Мастчоҳи вилояти Суғд ба гумони даст доштан дар куштори бародараш боздошт шуд.
Бино ба иттилои дафтари матбуоти ВКД Тоҷикистон, сокини 37-солаи ноҳия бо бародари 28-солааш ба муноқишаву ҷанҷол пардохта, якдигарро лату кӯб мекунанд.
“Баъдан бародари калонӣ аз дохили автомашинаи шахсиаш тамғаи “Старекс”, корди хоҷагиро гирифта, 1-маротиба ба қафаси синаи бародараш задааст, ки дар натиҷа ӯ ҷароҳати вазнини ҷисмонӣ бардошта, дар ҷойи ҳодаса ба ҳалокат расидааст”, – омадааст дар маълумоти ВКД.
Зимнан зикр мегардад, ки марди 37-сола аз ҷониби кормандони милитсия дастгир ва нисбаташ бо моддаи 104 қисми 1 Кодекси ҷиноятии Тоҷикистон парвандаи ҷиноятӣ оғоз карда шуда, тафтишот идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
