Дар Тошканд болоравии суръати шамол то 22 метр дар як сония пешгӯӣ шудааст. Дар ин робита огоҳии таъҷилӣ эълон шудааст. Ба Душанбе низ тӯфон наздик мешавад.
Мақомоти шаҳрдории Тошканд дар шабакаи Telegam-и худ сокинон ва меҳмонони шаҳрро аз шамоли сахту бошидддат огоҳ кард. Ҳарорат рӯзона 40-41 ва шабона 21-23 дараҷа гарм мешавад.
Дар ҳамин ҳол, бино ба маълумоти обуҳавошиносони Тоҷикистон, рӯзи 3 июл суръати шамол аз самти ҷанубу ғарб то 17-22 метр дар як сония меафзояд, дар вилояти Хатлон ва ноҳияҳои тобеи марказ бо чангу ғубори зиёд. Тӯфони чангу ғубор шаҳри Душанберо ҳам фаро мегирад.
Пас аз гармии беш аз 40 дараҷаи рӯзҳои охир, 3-5 июл ҳарорат то +33+35 дараҷа каме поин рафта, дар баъзе ноҳияҳои кӯҳистон боридани борон дар назар аст.
Аз рӯзи 5 июл боз болоравии ҳарорати ҳаво пешбинӣ мешавад.
Бино ба маълумоти Кумитаи ҳолатҳои фавқулода ҷумҳурӣ, аз 1 то 3 июли соли равон ҳаво дар кишвар гарм шуда, дар баъзе манотиқи мамлакат гармии ҳаво то ба 44 дараҷа мерасад.
Дар ин робита Кумита дар сомонаи худ қоида ва тавсияҳоеро барои ҳарчи бештар худро эҳтиёт кардану эмин мондан аз гармӣ нашр кардааст, ки шинос шудану донистани онҳо аз манфиат холӣ нахоҳад буд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
