Бонки ҷаҳонӣ рӯйхати 20 кишвари ислоҳотхоҳи Doing Business-2020-ро ба нашр расонид, ки миёни онҳо Тоҷикистон низ ҳаст.
Нишондоди ҷумҳурӣ аз рӯйи се шохис беҳтар шудааст.: “Сабти корхонаҳо”, “Дастрасӣ ба қарзҳо” (ба роҳандозии рӯйхати электронии амволи гарав рабт дорад) ва “Тиҷорати байнулмилалӣ (аз ҳисоби тадбирҳо ҷиҳати суръатбахшӣ ба анҷоми расмиёти гумрукӣ дар содироти маҳсулоти зудвайроншаванда).
Дар рӯйхати 20 кишвари ислоҳотхоҳ Қирғизистон ва Ӯзбекистон низ зикр шудаанд. Ба ҷуз ин кишварҳо Озарбойҷон, Бангладеш, Баҳрайн, Ҷибутӣ, Ҳиндустон, Урдун, Қатар, Кения, Чин, Косово, Қувайт, Мянма, Нигерия, Покистон, Арабистони Саудӣ, Того ва Зимбабве низ шомили феҳрист шудаанд.
Бонки ҷаҳонӣ ба ин бистгона кишварҳоеро интихоб мекунад, ки дар онҳо барои роҳандозии тиҷорат дар се ё беш аз 10 соҳа ислоҳоти сабуксозанда гузаронида шудаанд, ҷумла, дар бахшҳои сабти корхонаҳо, андозбандӣ, таъмини иҷрои қарордодҳо, ҳимоя аз сармоягузорони миноритарӣ (ақаллият), гирифтани қарзҳо, насб ба низоми таъминот бо барқ, сабти моликият, ҳалли масъалаи пардохтнопазирӣ, тиҷорати байнулмилалӣ, иҷозатнома барои сохтмон.
Интихоби иқтисодҳои беҳтаршуда аз рӯйи дастовардҳои назаррас дар самти саҳлгардонии роҳандозии тиҷорат байни кишварҳое муайян карда мешавад, ки на кам аз се ислоҳот гузаронидаанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
