Дар шаҳри Душанбе се ронанда пас аз нашри видео дар шабакаи иҷтимоии Facebook ҷарима шуданд.
Тавре дафтари матбуоти Раёсати ВКД дар шаҳри Душанбе хабар медиҳад, навори танзимшудаи видео ба почтаи электронии милитсияи пойтахт низ фиристода шуд. Ин видеои вайрон кардани қоидаҳои ҳаракат дар роҳҳои Душанберо корбаре бо номи Давид Холивар дар якчанд гурӯҳи Facebook нашр кард.
“Навори мазкур аз ҷониби кормандони БДА Раёсати ВКД дар шаҳри Душанбе баррасӣ шуда, дар натиҷа чанде аз ронандагон ба ҷавобгарӣ ҷалб гардиданд”, – омадааст дар маълумоти милитсияи пойтахт.
Зимнан аз кулли шаҳрвандон, сокинон ва меҳмонони шаҳри Душанбе хоҳиш шудааст, ки дар сурати шоҳиди ин ё он кирдори зиддиҳуқуқӣ шудан, тавассути суроғаҳои электронии [email protected], саҳифаи расмии Раёсат дар Facebook «Раёсати ВКД дар шаҳри Душанбе» муроҷиат кунанд ё бо телефони (+99237) 221-15-00 дар тамос шаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
