Субҳи имрӯз, 22-юми январ дар натиҷаи фаромадани тармаҳо ҳаракати воситаҳои нақлиёт дар роҳи Душанбе-Хуҷанд муваққатан қатъ карда шуд.
Тавре ба “Азия-Плюс” котиби матбуотии филиали ширкати IRS дар Тоҷикистон Далер Мерганов хабар дод, айни замон кормандони ширкат ба тозакунии роҳ аз барфтӯдаҳо машғуланд.
“Субҳи имрӯз дар якчанд қитъаҳои роҳ тарма фаромада, дар дигар қитъаҳо хавфи тармафароӣ вуҷуд дорад. Муддати якчанд соат ҳаракати ҳама гуна навъи воситаҳои нақлиёт муваққатан боздошта шуд. Корҳои бартараф кардани оқибатҳои тармафароӣ ва тозакунии роҳ аз барф идома доранд. Аз фаромадани тармаҳо касе осеб надидааст”, – қайд кард Мерганов.
Ба гуфтаи номбурда, ширкат ният дорад, ки ҳаракати воситаҳои нақлиётро тавассути ин роҳ дар нимаи дуюми рӯз барқарор кунад.
Агентии обуҳавошиносии Тоҷикистон огоҳ мекунад, ки имрӯз, 22-юми январ дар ҷумҳурӣ ноустувории вазъи ҳаво боқӣ монда, дар бештари ноҳияҳо барф меборад.
Рӯзи 23-юми январ ҳангоми соф шудани ҳаво шабона ва саҳаргоҳон сардшавӣ шиддат гирифта, дар водиҳо то 3-80 хунук, дар ноҳияҳои доманакӯҳӣ 8-130 хунук, дар ноҳияҳои кӯҳӣ 13-180 хунук, дар мавзеъҳои баландкӯҳ 35-400 хунук (дар мавзеи Булункӯл то -500 хунук) пешгӯйӣ мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
