Шабонарӯзи гузашта дар ҷумҳурӣ 48 ҳодисаи нави сироятёбӣ аз бемории коронавирус ба қайд гирифта шуд.
Бино ба маълумоти Вазорати тандурустӣ ва ҳифзи иҷтимоии аҳолии ҶТ, дар маҷмӯъ шумораи гирифторони ин беморӣ ба 6 ҳазору 643 нафар расид.
Гуфта мешавад, дар ин муддат боз 1 ҳолати фавт аз ин беморӣ сабт шуда, ҳамин тариқ, теъдоди умумии фавтидагон аз коронавирус 56 нафарро ташкил медиҳад.
Гуфта мешавад, то 14-уми июл 178 нафар гумонбарон зери назорати табибон қарор дошта, 54 кас баъд аз муолиҷа ба хонаҳояшон рухсат дода шуданд. Теъдоди умумии шифоёфтагон 5 ҳазору 332 (80,2%) нафарро ташкил медиҳад.
Тибқи маълумоти Вазорати тандурустии ҷумҳурӣ, боз 1 ҳазор нафар беморони дигар дар хонаҳояшон муолиҷа мегиранд.
Дар ҳамин ҳол, Сардори шуъбаи Раёсати сабти асноди ҳолати шаҳрвандии вилояти Суғд Лолахон Файззода чанде пеш зимни нишасти матбуотӣ изҳор дошт, ки тӯли ним сол дар вилоят 6063 ҳолатҳои фавт ба қайд гирифта шуда, “дар ҳеҷ кадоме аз маълумотномаҳои тиббӣ COVID-19 ба сифати сабаби марг зикр нашудааст”.
Ӯ қайд кард, ки тибқи маълумотномаҳои тиббӣ оид ба сабабҳои марг, дар ин давра 203 нафар аз бемории илтиҳоби шуш, 109 кас – аз бемории дил ва дигар касалиҳои шуш фавтидаанд. Доир ба дигар сабабҳои марг маълумот дода нашуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
