Маркази милии тестӣ соли дувум аст барои довталабоне, ки бо холҳои аз ҳама зиёд диншҷӯйи донишгоҳҳои кишвар шудаанд, туҳфа месупорад. Имсол ба “даҳгонаи беҳтарин”-и имтиҳонҳои дохилшавӣ 14 нафар шомил шуданд, ки аксари онҳо духтаронанд.
Имсол дар дар маҷмуъ, дар ду бахш 34 донишҷӯй сазовори туҳфаҳои Маркази милии тестӣ шуданд.
Ин навбат чорабинии мазкур дар Донишгоҳи тиббии Тоҷикистон ба номи Абӯали Ибни Сино баргузор шуд. Қисми зиёди донишҷӯёни “Даҳгонаи беҳтарин” муҳассили имрӯзаи ҳамин даргоҳ буданд. Мақсади баргузории чунин як чорабинӣ таҳрик додани довталабон ё худ донишҷӯшавандаҳо ба донишомӯзист.
Ба даҳгонаи беҳтарин ва тамоми нафароне, ки балҳои зиёдро соҳиб шуданд, планшет, китоби “Тоҷикон”-и академик Бобоҷон Ғафуров, сертификат барои хариди ашёҳои хониш аз ширкати “Сиёма” ва симкортҳои нуқрагин аз ширкати Tcell туҳфа карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
