Пандемияи коронавирус ва баста шудани сарҳадҳо ба коҳиши назарраси шумори хориҷиён дар Русия боис шуд, хабар медиҳад Коммерсант.
Гуфта мешавад, агар соли 2019 вобаста ба моҳ дар Русия аз 9,6 млн то 11,2 млн нафар хориҷиён қарор доштанд, пас соли 2020 шумори онҳо аз 10,3 млн нафар дар охири моҳи январ то ба 7,1 млн нафар дар охири сол кам шуд.
Соли 2021 коҳиши шумори хориҷиён идома ёфта, ба ҳолати 1 майи шумори шаҳрвандони хориҷӣ дар кишвар 5,66 млн нафарро ташкил дод. Мисли пешин аксарияти ба Русия омадагон шаҳрвандони ИДМ (86%) мебошанд, лекин дар ростои коҳиши теъдоди хориҷиён, соли 2020 шумори хориҷиён ба сурати умум 39% кам шуд.
Аз ҳама бештар шумори шаҳрвандони Украина ва Молдова – мутаносибан 53% ва 51% ва нисбатан пасттар – шаҳрвандони Қирғизистон (18%), Арманистон (22%) ва Тоҷикистон (35%) кам шудааст.
Нисбат ба соли 2020 дар соли 2021 шумори шаҳрвандони Иттиҳоди Аврупо се баробар кам шуда, пасттарин нишондиҳанда (226 ҳазор) тайи 10 соли ахир аст. Вуруд аз Тоҷикистон 37% ва Қазоқистону Ӯзбекистон – 42% коҳиш ёфтааст.
Ба ҳолати 1 майи соли 2021 шумори муҳоҷирони меҳнатӣ (мақсади вурудашонро ба Русия кор зикр кардаанд) 2,68 млн нафарро ташкил додааст. Ин нишондиҳанда нисбат ба соли 2020 ба андозаи 35% камтар аст.
Ҳиссаи муҳоҷирони меҳнатии қонунӣ дар кишвар ҳузурдошта аз шумори умумии ба кор омадагон 75%-ро ташкил медиҳад.
Аз рӯйи натиҷаҳои семоҳаи аввал аз ҷониби муҳоҷирони меҳнатӣ ба буҷетҳои минтақавӣ аз пардохти маблағи патент 8,91 млрд рубл ворид шудааст (20% камтар нисбат ба ҳамин давраи соли 2020).
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
