Ассистенти кафедраи назарияи иқтисодӣ ва фаъолияти соҳибкории Донишкадаи сайёҳӣ, соҳибкорӣ ва хизмати Вазорати саноат ва технологияи нави ҶТ Зокир Маҳмадализода ба порагирӣ гумонбар дониста мешавад.
“Ӯ барои мусоидат ба дохил намудани як шаҳрванд ба Донишгоҳи давлатии омӯзгории Тоҷикистон ва гирифтани баҳои имтиҳон дар се ҳолат ҷамъ маблағи 7 ҳазору 250 сомонӣ гирифта, ба ваъдааш вафо накардааст”, – хабар медиҳад маркази матбуоти Агентии назорати давлатии молиявӣ ва мубориза бо коррпусияи Тоҷикистон.
Ба иттилои манбаъ, нисбати Зокир Маҳмадализда мутобиқи моддаи 247 қ.2 бандҳои “а,в,г” Кодекси ҷиноятии ҶТ парвандаи ҷиноятӣ оғоз карда шуда, дар сурат исботи гуноҳаш, ба ӯ то панҷ соли маҳрумият аз озодӣ таҳдид мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
