Имрӯз, 5-уми сентябр, тахминан соатҳои 11, дар назди сафорати Русия дар шаҳри Кобул таркиши шадид рух додааст, ки дар натиҷаи он наздики 20 нафар кушта ва захмӣ шудаанд. Дар ин бора рӯзномаи "8-и субҳ"-и Афғонистон хабар медиҳад.
Ин рӯзнома менависад “бештари кушта ва захмишудагон донишҷӯёне ҳастанд, ки барои дарёфти виза ба бахши консулгарии сафорати Русия дар Кобул рафта буданд”.
Манобеи рӯзнома таъйид кардаанд, ки “ҳадафи аслии таркиш бахши консулии сафорати Русия дар Кобул” будааст.
Ҳамчунин, дар паи таркиш “ду дипломати сафорати Русия кушта шудаанд”, хабар медиҳад РИА Новости.
Толибон*, ки ҳукуматро дар Афғонистон як сол ин ҷониб ғасб кардаанд, дар мавриди ин таркиш ҳеҷ шарҳе ироа накардааст.
Ёдовар мешавем, ки ин дуюмин таркиши пурқурбонӣ давоми чор рӯзи ахир аст. Рӯзи ҷумъа, 2-юми сентябр, дар масҷиди шаҳри Ҳирот таркиши шадид ба амал омад, ки дар натиҷа рӯҳонии шинохта ва ҷонибдори Толибон* Муҷибурраҳмон Ансорӣ ба чанде аз наздикони ӯ ба ҳалокат расиданд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо – "Афғонистон" бихонед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
