Пас аз 25 соли фаъолият Бунёди «Ҷомеаи Кушода» аз тасмими баста шудани бахши маҳаллии худ – "Бунёди Мадад" дар Тоҷикистон хабар дод. Дар ин бора дар изҳороте, ки дар сомонаи Бунёд нашр шудааст, хабар дода мешавад.
Дар изҳорот қайд карда мешавад, ки ин тасмим дар пайи "натоиҷи дигаргунсозиҳои фарогир ва трансформатсияе, ки аз соли 2021 барои бозбинии авлавиятҳои фаъолияти худ ва таҷдиди сохтори беш аз 20 бунёди миллии ниммустақил дар саросари ҷаҳон бо татбиқи муносибати нави минтақавӣ оғоз ёфта буд", – гирифта шудааст.
Зимнан зикр мегардад, ки дар робита ба ин Шӯъбаи ташкилоти байналмилалии Институти «Ҷамъияти Кушода» – Бунёди Мадад дар Тоҷикистон қабули дархостҳоро барои лоиҳаҳои грантӣ қатъ мекунад. Уҳдадориҳои пардохтҳо дар чорчӯбаи грантҳои амалкунанда сари вақт иҷро карда мешаванд.
Дар сомонаи ин бунёд гуфта мешавад, ки Институти "Ҷамъияти Кушода" – Бунёди Мадад дар Тоҷикистон бахше аз шабакаи байналмилалии Бунёди Ҷамъияти Кушода мебошад, ки ба таъсис ва рушди ҷомеаҳои демократӣ, ки ҳукуматҳояшон дар назди шаҳрвандони худ ҳисобот медиҳанд, мусоидат мекунанд.
Барои ноил шудан ба ин ҳадаф, Фондҳо сиёсати давлатиро пешбарӣ мекунанд, ки адолати ҳуқуқӣ ва иқтисодиро таъмин мекунанд ва ҳуқуқи инсонро эҳтиром мекунанд. Бунёди Ҷамъияти Кушода як қатор ташаббусҳоро барои пешбурди адолат, маориф, тандурустии ҷамъиятӣ ва ВАО-и мустақил амалӣ мекунад.
Ҳамзамон, Бунёди Ҷамъияти Кушода ташаббусҳои байналмилалиро дастгирӣ мекунад, ки ба коҳиши фасод ва мусоидат ба озодии баён ва иттилоот мусоидат мекунанд. Бунёди Ҷамъияти Кушода ба ҳимоя ва беҳбуди зиндагии аҳолии канормонда афзалият медиҳад.
Бунёди Ҷамъияти Кушода ба ҳимоя ва беҳбуди зиндагии аҳолии канормонда афзалият медиҳад. Бунёди Ҷамъияти Кушода шабакаи шахсони ҳуқуқии мустақил мебошад, ки дар доираи як рисолати умумӣ якҷоя кор карданро интихоб кардаанд. Ҳар як шахси ҳуқуқӣ мақоми олии роҳбарикунанда – Раёсат дорад, ки вазифаҳои қонунии худро мустақилона иҷро мекунад ва буҷети солонаро тасдиқ мекунад.
