Ҳафтае баъд дар Тоҷикистон соли хониш оғоз мешавад. Бо наздик шудани оғози соли хониш, шикояти сокинон ҳам аз ҳолатҳои маҷбуркунӣ ҷиҳати харидории либоси мактабӣ шурӯъ шуд.
Ҳарчанд Зиёдулло Абдулзода, муовини вазири маориф ва илми Тоҷикистон зимни нишасти матбуотии ахир гуфт, “директори мактабҳои миёнаи кишвар ҳақ надоранд, ки волидони хонандагонро маҷбур созанд, то либоси фарзандашонро аз ҷои хосе харидорӣ кунанд”. Аммо бо ин вуҷуд, баъзе волидон аз минтақаҳои гуногуни кишвар шикоят карданд, ки директорони мактаб ё роҳбарони синф онҳоро барои харидории либоси мактабӣ маҷбур карданд.
Дар робита ба ин, “Asia-Plus” аз сокинони пойтахт пурсид: Либоси ягонаи мактабиро чанд сомонӣ харидорӣ кардед? Оё директори муассиса аз шумо расиди мағозаи мушаххас талаб кард? Дар умум, оё ниёз ба либоси ягонаи мактабӣ ҳаст?
Посух ба ин саволҳоро аз навори зер пайдо кунед.
