Аз 7-ум то 21-уми ноябр дар Китобхонаи миллии Тоҷикистон даври ҷумҳуриявии озмуни “Фурӯғи субҳи доноӣ китоб аст” баргузор гардид.
Дар ин давр 574 нафар ғолиби даври минтақавию шаҳрӣ сабқат варзида, 24 нафар аз шаш бахш ғолиб дониста шуданд. Ин нафарон ҳамзамон ҳуқуқи иштирок барои дарёфти “Шоҳҷоиза”-ро ба даст оварданд.
Дирӯз, 21-уми ноябр, пурсиши довталабони “Шоҳҷоиза” баргузор шуд ва аз 24 ғолиб танҳо 15 нафар барои дарёфти “Шоҳҷоиза”-и озмун рақобат карданд.
Аммо имсол равиши пурсиш ва муайянкунии ғолибони “Шоҳҷоиза” ранги дигар гирифт. Солҳои қабл аз миёни тамоми ғолибони ҷойи аввал танҳо як нафар сазовори “Шоҳҷоиза” мегардид ва мебоист 70 дарсади тамоми адабиёти низомномаро мутолиа карда бошад. Аммо имсол барои ҳар як номина “Шоҳҷоиза” муқаррар гардида, довталабон танҳо аз номинаи худ имтиҳон месупоранд.
Дар ин гузориш аз равиши бургузории даври охирин ва пурсиши довталабони “Шоҳҷоиза” қисса мекунем.
