Тоҷикистон бо ҷоизаи бонуфузи сайёҳии “Кишвари дорои манзараҳои беҳтарини табиӣ дар Осиё” сарфароз гардидааст. Ҷоиза 3-юми декабр дар маросими Top Asia Corporate Ball 2024, ки дар шаҳри Куала Лумпури Малайзия баргузор гардид, ба Ардашер Қодирӣ, сафири Тоҷикистон дар Малайзия супорида шудааст.
Дар ин бора Вазорати корҳои хориҷии кишвар иттилоъ дода менависад, ки ин ҷоиза эътирофи байналмилалии манзараҳои афсонавии табиати Тоҷикистон, аз қабили кӯҳҳои Помир ва Фон, кӯлҳои Искандаркӯл ва Қарoкӯл аст, ки инъикосгари манзараҳои ҷаззоби табиати Тоҷикистон маҳсуб меёбанд.
Маҷаллаи “Top 10 of Asia”, ки яке аз бонуфузтарин нашрияҳо дар Осиёи Ҷанубу Шарқӣ ба ҳисоб меравад, таҳқиқоти васеъ гузаронида, дар асоси фикру андешаҳои сайёҳон ва мутахассисони соҳаи сайёҳӣ ба чунин хулоса расидааст.
Ҷомеаи сайёҳии Малайзия тамоюли Тоҷикистонро ба рушди сайёҳӣ ва ҳифзи муҳити зист ҷиҳати муаррифии кишвар ҳамчун яке аз маконҳои пешсаф барои сайёҳони экологӣ баланд арзёбӣ намудааст.
Ёдовар мешавем, ки қаблан соли 2019 Шоҳроҳи Помир низ ба феҳристи даҳ роҳи зеботарини ҷаҳон шомил шуда буд.
Соли 2018 бошад Помир ба рейтинги ҷаҳонии “100 самти устувори ҷаҳонӣ" ворид шуд ва қаблан дар сархати даҳгонаи аввали рейтинги маҷаллаи амрикоии National Geographi Traveler ҳамчун яке аз беҳтарин кишварҳои сайёҳӣ дар қаламрави Иттиҳоди Шӯравӣ шомил шуда буд.
