Соли гузашта ба кишвар наздики 47 ҳазор мошин ба маблағи умумии 521,1 млн доллар ворид гардидааст, ки ин нисбат ба ду соли пеш 39,8% камтар аст. Дар ин бора Хадамоти гумрук хабар дод.
“Азия-Плюс” маъруфтарин тамғаи мошинҳоро миёни шаҳрвандони Тоҷикистон муайян кард.
Ба иттилои манбаъ, соли гузашта сокинони Тоҷикистон, асосан, мошинҳои “осиёгӣ”-ро интихоб кардаанд. Ҳамин тавр, соли 2023 ба кишвар аз ҳама бештар автомобилҳои ширкати Кореяи Ҷанубӣ "HYUNDAI" ворид шудааст. Дар ҷойи дуюм тамғаи ҷопонии "TOYOTA" ва дар ҷойи сеюм электромобили чинии "BYD" қарор гирифтаанд.
Ҷолиб аст, ки давоми ду соли охир интихоби сокинон то дараҷае тағйир ёфтааст. Давоми 10 сол, аз соли 2013 то соли 2022 ТОП-10 тамғаи маъруф дар кишвар чунин буд: “OPEL”, “Toyota”, “Mercedes-Benz”, “Hyundai”, “Lexus”, “BMW”, “Volkswagen”, “Audi”, “Daewoo” ва “KIA”.
