Дар Тоҷикистон фурӯш ва истифодаи баъзе силсила (партия)-и ғизои кӯдаконаи тамғаи “NAN”, ки аз сӯи ширкати “Nestlé” истеҳсол мешавад, қатъ мегардад. Дар ин бора аз ширкати “Таҷеро”, ки воридкунандаи расмии маҳсулоти ин ширкат ба кишвар мебошад, ба “Азия-Плюс” хабар доданд.
Аз ин ширкат гуфтанд, ин тасмим дар доираи “бозхонди ихтиёрии ҷаҳонии шумораи маҳдуди давраҳои истеҳсол ҳамчун чораи эҳтиётӣ дар ҳамкорӣ бо мақомоти ваколатдори давлатӣ амалӣ мешаванд”.
“Сухан дар бораи хатари эҳтимолии мавҷуд будани токсини сереулид дар яке аз ҷузъҳо – кислотаи арахидонӣ меравад. Бо вуҷуди он ки миқдори он дар маҳсулот ниҳоят кам аст, меъёри муқарраркардаи сатҳи сереулид дар маҳсулоти ғизоӣ дар қонунгузории Тоҷикистон муқарар нашудааст. Аз ин рӯ, бозхонӣ бо мақсади пешгирӣ ва амнияти истеъмолкунандагон анҷом дода мешавад”,- гуфтанд аз ин ширкат ба “Азия-Плюс”.
Қаблан, Оҷонсии “Тоҷикстандарт” дар бораи манъи фурӯш ва бозхонди баъзе навъҳои ғизои кӯдаконаи “NAN” ҳушдор дода буд.
Аз ширкати “Таҷеро” гуфтанд, танҳо силсилаҳои дақиқи муайяншудаи омехтаҳои хушки ширӣ, шири турши кӯдакона ва ҳамчунин ғизои махсуси кӯдаконаи зерин бозхонд карда мешаванд:
– NAN 1 OPTIPRO – силсилаҳо:
51490346AA, 51810346AA, 51910346AA, 52180346AC, 51510346AB, 52190346BA, 52200346BA
– NAN 2 OPTIPRO – силсилаҳо:
51240017C1, 51240017C2, 51420017C6, 51570017C1, 52800017C2, 52940017C3, 52950017C1, 53130017C1, 53140017C1, 51550017A1, 52920017A1, 53130017A1, 5200167811, 5200167821, 5240167821
– NAN бидуни лактоза – силсилаҳо: 51400346AA
– PreNAN – силсилаҳо: 52560346AA
– NAN SUPREME 0–12 – силсилаҳо: 52790742C1
– NAN шири турш – силсилаҳо: 51220017A2, 51230017A1
Аз ин ширкат гуфтанд, ин бозхонӣ, ба маҳсулоти дигар силсилаҳо дахл надошта, ба дигар навъҳои ғизои кӯдаконаи “Nestlé”, ки дар бозори Тоҷикистон пешниҳод ҳаст, дахл надорад.
Ба иттилои воридкунанда, бозпас гирифтани силсилаҳои зикршуда аллакай аз фурӯшандагони яклухт ва мағозаҳо оғоз шудааст. Ба истеъмолкунандагоне, ки маҳсулоти ин силсилаҳоро харидорӣ кардаанд, тавсия медиҳанд, ки онро истифода накунанд ва ба нуқтаи харидашуда бозгардонанд.
Барои бозгардонидани маҳсулот метавон бо рақамҳои зерин тамос гирифт:
– Душанбе ва ноҳияҳои тобеи ҷумҳурӣ: +992 903239966, +992 982669999
– Вилояти Суғд: +992 926420007, +992 928957750
Дар робита ба дигар масоили марбут ба ин ширкат, истеъмолкунандагон метавонанд бо ширкати “Nestlé” тавассути почтаи электронии [email protected] дар тамос шаванд.
Пеш аз ин, намояндагони расмии “Nestlé” дар як қатор кишварҳо, аз ҷумла давлатҳои Иттиҳоди Аврупо, Русия, Қазоқистон ва Ӯзбекистон, дар бораи бозпасхонии ихтиёрии баъзе силсилаҳои ғизои кӯдаконаи “NAN” бо сабабҳои монанд хабар дода буданд.
Қаблан дар кишвар воридоти баъзе маҳсулотҳо манъ шуда буд. Аз ҷумла Оҷонсии “Тоҷикстандарт” гуфта буд, “ки аз соли 2020 воридоти равғани нахл ба ҷумҳурӣ манъ аст, вале он дар истеҳсолот ба истиснои маҳсулоти қаннодӣ ва ғизои кӯдакона “истифода бурда мешавад”.
