Бар асари таркишҳо дар маросими солгарди ёдбуди фармондеҳи Неруҳои таъиноти махсуси “Ал-Қудс”-и сипоҳи посдорони инқилоби исломии Эрон генерал Қосим Сулаймонӣ дар макони дафнаш, оромгоҳи Гулзори Шуҳадои музофоти Кирмон 103 нафар ҳалок шуданд. Дар ин бора хабаргузории Tasnim иттилоъ медиҳад. Шумори маҷруҳон ба 188 нафар расидааст.
Ба иттилои хабаргузории ТАСС бо истинод ба расонаҳои Эрон, бар асари ин ҳодиса ҳамчунин 211 нафари дигар осеб дида, вазъи солимии 27 нафари онҳо вазнин арзёбӣ мешавад. Ин хабаргузорӣ аз ҳалокати 95 нафар ва осеби 211 нафар маълумот медиҳад.
Мақомот ин ҳодисаро амали террористӣ арзёбӣ намуданд.
Дар ин маросим ду таркиш ба вуқӯъ пайваст. Таркиши аввал 700 метр дуртар аз қабри Сулаймонӣ ва дуюмаш – дар масофаи тақрибан 1 километр дуртар аз он ба амал омадааст, ки дар натиҷа 95 нафар ба ҳалокат расиданд.
Ниҳоди ҳолатҳои фавқулодаи Эрон хабар дод, ки миёни қурбониён 6 нафар кӯдакон ҳам ҳастанд. Тибқи маълумоти пешакӣ, инчунин 211 каси дигар маҷруҳ шудаву осеб диданнд.
Ҳукумати Эрон 4 январро рӯзи мотами умумимиллӣ эълон кард. Президенти ин кишвар Иброҳим Раисӣ ваъда дод, ки гунаҳкорон ҷазо хоҳанд гирифт.
Ёдрас мекунем, ки генерал Сулаймонӣ рӯзи 3 январи соли 2020 бар асари ҳамлаи мушакии Неруҳои ҳарбии ҳавоии ИМА дар мавзеи назди фурудгоҳи Бағдод кушта шуд. Ин ба зарбаи ҷавобии Эрон ба ду иншоот бо низомиёни амрикоӣ шаби 8 январ боис гардида, вазъият дар Ховари Миёнаро муташанниҷ кард.
