Таҳти раёсати нахуствазири ҷумҳурӣ Оқилов Оқилов оид ба баррасии масъалаи ҷараёни сохтмони Маркази барқу гармидиҳӣ (МБГ)-и Душанбе-2 бо иштироки роҳбарони вазорату идораҳои дахлдор машварати корӣ доир гардид.
Тавре ба ОИ «Азия-Плюс» сармушовири хадамоти матбуоти президенти ҶТ Субҳиддин Муҳиддинов хабар дод, нахуствазир таваҷчуҳи ҳозиринро ба масъалаи суръатбахшӣ ба корҳои сохтмони иншшоти мазкур ҷалб намуда, таъкид дошт, ки мувофиқи нақша, навбати аввали он бо иқтидори 50 МВтт тирамоҳи соли равон ба истифода дода мешавад.
«Дар ин робита нахуствазир ба сохторҳои дахлдор супориш дод, ки барои бо гармиву оби гарми маркази нав таъмин намудани пойтахт, ҷиҳати сохтмони беш аз 3 километр хатҳои интиқолӣ гармӣ, таъмири хатҳои мавҷуда ва таъмиру барқарор кардани фаъолияти дегхонаҳои ғарбиву шарқии шаҳри Душанбе тадбирҳои зарурӣ андешанд», – гуфт манбаъ.
Ёдрас мекунем, ки сохтмони Маркази барқу гармидиҳии Душанбе-2 аз ҳисоби қарзи бонкҳои чинии «Эксимбонк» ва Бонки рушди Чин маблағгузорӣ мешавад. Ҳаҷми маблағгузорӣ ба МБГ Душанбе-2 бо иқтидори 200 Мвт 30 млн. доллари ИМА арзёбӣ мешавад.
