Ахири моҳи гузашта баъди аз ҷониби Қирғизистон якҷониба баста шудани гузаргоҳҳои марзӣ бо Тоҷикистон бар асари муноқишаи мусаллаҳонаи рӯзи 11-уми январ, Вазорати корҳои хориҷии Тоҷикистон бо дархости роҳандозии ҳарчи зудтари реҷаи убури автомашинаҳои самти Тоҷикистон тариқи гузаргоҳҳои марзии Ӯзбекистону Тоҷикистон ба унвони Вазорати корҳои хориҷии Ӯзбекистон ёддошт ирсол намуд.
Аз намояндагии дипломатии Тошканд дар Душанбе ба хабаргузории «Азия-Плюс» дар ин робита иттилоъ доданд, ки чанде қабл дар ёддошти ҷавобии худ ҷониби Ӯзбекистон ба Тоҷикистон маълумот дод, ки ба автомашинаҳои боркаше, ки ба самти Тоҷикистон равонаанд, бо реҷаи тезтар ба убури марз тариқи гузаргоҳҳои ҳарду кишвар иҷозат дода шудааст.
«Қаблан агар марзбонон ва гумрукчиёни Ӯзбекистон дар марз бо Тоҷикистон дар як шабонарӯз ба иҷозати убури 10-12 автомашина фурсат меёфтанд, акнун ба убури 90-100 автомашина дар як шабонарӯз иҷозат дода мешавад», – зикр карданд дар сафорати Ӯзбекистон дар Тоҷикистон.
