Намояндагони Дафтари Созмони амният ва ҳамкории Аврупо оид ба Институтҳои Демократӣ ва Ҳуқуқи Башар (САҲА/ДИДҲБ) Ричард Лаппен ва Андрей Громов рӯзи 27-уми октябр бо сафари серӯза ба Душанбе ташриф меоранд.
Роҳбари дастгоҳи Комиссияи марказии интихобот ва раъйпурсӣ (КМИР)-и Тоҷикистон Абдуманнон Додоев ба «Азия-Плюс» дар ин робита иттилоъ дод, ки намояндагони САҲА/ДИДҲБ дар Вазорати корҳои хориҷӣ, КМИР ва Суди олии Тоҷикистон як қатор вохӯриҳо гузаронида, бо намояндагони аҳзоби сиёсӣ ва ҷомеаи шаҳрвандии кишвар дидору суҳбатҳо анҷом медиҳанд.
Зимнан зикр гардид, ки ҳадафи аслӣ аз сафари намояндагони САҲА/ДИДҲБ ба Душанбе омӯзиши масоили марбут ба оғози омодагиҳо ба интихоботи парлумонии ахири моҳи феврал дар Тоҷикистон аст.
