Санаи 21 декабри соли 2014 вазири корҳои хориҷии Тоҷикистон Сироҷидин Аслов ҷиҳати иштирок дар ҷаласаи Шӯрои вазирони корҳои хориҷии давлатҳои аъзои Созмони Аҳдномаи амнияти дастаҷамъӣ (СААД) ба шаҳри Маскав сафар кард.
Бино ба маълумоти департаменти иттилооти Вазорати корҳои хориҷии ҶТ, имрӯз ҷаласаи Шӯро таҳти раёсати вазири корҳои хориҷии Ҷумҳурии Тоҷикистон баргузор хоҳад шуд, зеро раёсати Шӯро аз Русия ба Тоҷикистон мегузарад.
Дар ҳамин ҳол, сухангӯи Вазорати мудофиаи Тоҷикистон Фаридун Маҳмадалиев ба «Азия-Плюс» хабар дод, ки вазири мудофиаи ҷумҳурӣ генерал-лейтенант Шералӣ Мирзо низ ҷиҳати иширок дар ҷаласаи муштараки имрӯзаи вазирони мудофиаи кишварҳои узви СААД ба Маскав раҳсипор шудааст.
Ёдрас мекунем, ки санаи 23-юми декабр дар шаҳри Маскав ҷаласаи Шӯрои амнияти дастаҷамъии Созмони Аҳдномаи амнияти дастаҷамъӣ (СААД)
ба кор оғоз мекунад
, ки таҳти раёсати президенти Тоҷикистон Эмомалӣ Раҳмон доир мегардад.
