Президенти Тоҷикистон Эмомалӣ Раҳмон имрӯз бо фармони худ раиси Шӯрои адлияи ҷумҳуриро иваз кард.
Бино ба иттилои хадамоти матбуоти сарвари давлат, мутобиқи фармони дахлдори президент, Зафар Азиззода бо сабаби ба кори дигар гузаштанаш аз вазифаи раиси Шӯрои адлияи Ҷумҳурии Тоҷикистон озод карда шуд.
Бо фармони дигари президент, собиқ сардори Раёсати ҳуқуқи дастгоҳи иҷроияи сарвари давлат Дӯстмурод Муродзода раиси нави Шӯрои адлияи ҷумҳурӣ таъин карда шуд.
Гуфта мешавад, мувофиқи амри президент, Зафар Азизззода сардори Раёсати ҳуқуқи дастгоҳи иҷроияи сарвари давлат таъин карда шуд.
