Рӯзи 26 август дар Душанбе нисбати хизматчиёни ҳарбии пойгоҳи низомии 201-уми Русия дар Тоҷикистон, ки ба қатли таксирони тоҷик Рустам Тешабоев гумонбар дониста мешуданд, ҳукм содир шуд.
Хизматчиёни ҳарбии пойгоҳи низомии Русия дар содир намудани ин ҷиноят гунаҳкор эътироф гардида, ба муҳлатиҳои зиёди маҳрумият аз озодӣ маҳкум шуданд, ки муҳлати ҷазоро дар Русия адо мекунанд.
Хизматчии ҳарбӣ Федор Басимов ба 17 соли зиндони низомаш шадид ва низомии дигар Илдар Сахапов ба 13 соли зиндон ва боз 1 соли маҳдудият дар озодӣ маҳкум шуданд.
Қаблан айдоркунандаи давлатӣ
аз суд дархост намуд
, ки судшавандагон Сахапов ба 14 ва Басимов ба 18 соли зиндон маҳкум карда шаванд. Мурофиаи судӣ пушти дарҳои пӯшида дар қаламрави пойгоҳи низомӣ дар Душанбе баргузор шуд.
Ёдрас мекунем, ки
нимашаби рӯзи 19-уми августи соли гузашта
дар деҳаи Чимтеппаи ноҳияи Рӯдакӣ дар дохили автомашинаи тамғаи «Опел-Астра» ҷасади Раҳимҷон Тешабоев бо аломатҳои марги маҷбурӣ дарёфт шуда буд. Басимов аз таксирон 50 ҳазор рубл қарздор буда, вале маблағро баргардонида натавонист. Аз ин рӯ бо ҳамхизматаш маслиҳат карда, назди кӯл дар деҳаи Чимтеппа Р. Тешабоевро мекушанд.
Баъдан раҳбарияти пойгоҳи низомии 201 изҳор дошт, ки ҳардуи ин хизматчии ҳарбӣ рӯҳан беморанд ва онҳоро барои ташхис ба шаҳри Екатеринбурги Русия фиристод. Зимни ташхис маълум шуд, ки онҳо солиманд ва ба Тоҷикистон баргардонида шуданд.
