Нисбат ба солҳои пешин сатҳи коррупсия дар Тоҷикистон дар соли 2015 коҳиш ёфт.
Дар
гузориши
Ҳаракати байнулмилалии муқовимат ба коррупсияи Transparency International дар ин робита гуфта мешавад, соли 2015 Тоҷикистон аз ин созмон 26 балл (се балл зиёдтар нисбат ба соли 2014) гирифта, зинаи 136-умро ишғол намуд, ки аз соли 2012 (ба ҳисоби 100-балла гузаштан) беҳтарин натиҷа ба шумор меравад. Соли 2014 Тоҷикистон дар мақоми 152-юм, дар як саф бо кишварҳое чун Конго ва Чад қарор дошт.
Дар рейтинги ҳозира бо 91 балл Дания пешшсаф буда, зинаҳои аввали баъдиро Финландия ва Шветсия касб кардаанд. Соли чорум аст, ки Кореяи Шимолӣ ва Сомалӣ дар зинаҳои охирини рейтинг қарор мегиранд.
Миёни кишварҳои пасошӯравӣ поинтар аз Тоҷикистон танҳо Ӯзбекистону Туркманистон ҷойгир шудаанд, ки зинаҳои 153 ва 154-уми рейтингро ишғол намудаанд.
