Кормандони милитсия ба гумони даст доштан дар ғайриқонунӣ қарз додан ба маблағи ниҳоят зиёд сокини 33-солаи ноҳияи Нуробод, корманди филиали яке аз бонкҳои кишварро боздоштаанд.
Бино ба иттилои маркази матбуоти ВКД Тоҷикистон, муайян карда шудааст, ки гумонбаршуда дар давраи фаъолияти кориаш соли 2014 ба шаҳрвандон: марди 62-сола ва марди 49-солаи сокинони ноҳияи зикргардида ба маблағи 220 ҳазор сомонӣ ғайриқонунӣ қарз (кредит) додааст.
Зимнан зикр мегардад, ки нисбати далели мазкур корҳои тафтишотӣ идома дорад.
