Имрӯз, 26 май дар маҷмааи давлатии «Кохи Борбад»-и Душанбе намоишгоҳи серӯзаи молу маҳсулоти ноҳияи Нинсяи Чин ба кор шурӯъ кард.
Дар ин намоишгоҳ маҳсулоти беш аз 20 ширкатҳои ин ноҳия, аз қабили техникаи кишоварзӣ, маҳсулоти саноати сабук (сарулибос, дӯзандагӣ), техникаи маишӣ, маҳсулоти хӯрокворӣ ва доруворӣ, маснӯоти заргарӣ ва ғайра ба маърази тамошо гузошта шудааст.
Ҳамчунин дар доираи ин чорабинӣ баргузории форуми доираҳои соҳибкорӣ ва тиҷоратии Тоҷикистону Чин дар назар аст.
Бино ба маълумоти Палатаи савдо ва саноати Тоҷикистон, соли 2015 ҳаҷми умумии муомилоти мол миёни Тоҷикистону Чин 793 млн. долллари ИМА-ро ташкил додааст, ки ҳудуди 30 млн. доллари ИМА ба содироти маҳсулот аз Тоҷикистон рост меояд.
