Дар ноҳияи Файзобод марди 29-сола аз беаҳамиятӣ духтарчаи хурдсолашро бо автомашинаи шахсӣ пахш кардааст, ки дар натиҷа духтарча ҷароҳати вазнин бардошта дар ҷойи ҳодиса ба ҳалокат мерасад.
Бино ба иттилои ВКД, ҳодиса қарибиҳои шоми 14-ум рух дода, ронандаи автомашинаи тамғаи “Опел-Зафира” Илҳомиддин Мирзошарифови 31-сола, сокини ҷамоати деҳоти Ҷавонони ноҳияи Файзобод аз майдончаи бозори “Хайрӣ” ба самти маркази ноҳияи Файзобод ҳаракат мекард.
"Ӯ бехатарии ҳаракат дар роҳро таъмин карда натавониста, дар майдончаи бозори мазкур духтари хурдсолаш, Бовабекзода Назираи Илҳоми 2-соларо пахш мекунад", – қайд мешавад дар маълумот.
Гуфта мешавад, Назираи хурдсол баъди бардоштани ҷароҳати вазинин ҷисмонӣ дар ҷойи ҳодиса ба ҳалокат расидааст.
Зимнан зикр мегардад, ки аз рӯи ин ҳодиса таҳқиқот идома дорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
