Чанде қабл Шӯрои сиёсии Ҳизби наҳзати исломии Тоҷикистон тасмим гирифт, ки дар таърихи 8-уми марти соли равон ҷаласаи фавқулодаи Раёсати Олии ҳизб баргузор карда шавад.
Тавре ба ОИ «Азия-Плюс» аз қароргоҳи марказии ҲНИТ хабар доданд, дар ҷаласаи раёсат вазъи кунунии сиёсӣ ва иқтисодии кишвар мавриди баррасӣ қарор мегиранд.
Дар ҳамин ҳол, бино ба иттилои муовини раиси ҲНИТ Маҳмадалии Ҳайит, дар ҷаласаи фавқулодаи раёсат ҳамчунин атрофи масоили дифоъ аз ҳуқуқи аъзои ҲНИТ дар Тоҷикистон, протоколи ҷаласаи ҳукумати ҷумҳурӣ таҳти рақами 32-20, ки бевосита ба фаъолияти ҲНИТ дахл дорад, низ табодули афкор сурат хоҳад гирифт.
