Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон дар арафаи Иди касбии милитсияи тоҷик ба як қатор кормандони мақомоти корҳои дохилӣ, ки дар иҷрои вазифаҳои хизматӣ фаъолияти назаррас нишон додаанд, собиқадорон ва оилаҳои эҳтиёҷманд ва кормандоне, ки ҳангоми адои вазифа фавтидаанд, маблағҳои пулӣ ва тӯҳфаҳои гаронқимат аз қабили телевизор, яхдон, чангашак, микроволновка, соати дастии занона ва мардона, суратгирак, кондитсионер ва дигар таҷҳизоти рӯзгорро ҷудо намуд
Тавре аз Вазорати корҳои дохилии ҷумҳурӣ хабар доданд, ин тӯҳфаҳоро дар фазои тантанавӣ аз номи Роҳбари Давлат Вазири корҳои дохилӣ генерал-лейтенанти милитсия Рамазон Раҳимов ба кормандони Вазорати корҳои дохилӣ супорид. Дар мақомоти корҳои дохилӣ дар шаҳру вилоятҳои дурдасти ҷумҳурӣ низ бахшида ба Иди милитсия чорабиниҳои идона баргузор гардида, маблағҳои пулӣ ва тӯҳфаҳои гаронқимат: телевизор, яхдон, чангашак, микроволновка, соати дастии занона ва мардона, суратгирак, кондитсионер ва дигар таҷҳизоти рӯзгорро аз номи Ҷаноби Олӣ муҳтарам Эмомалӣ Раҳмон сардорони Раёсатҳои Вазорати корҳои дохилӣ дар вилоятҳо ва шӯъбаҳои корҳои дохилӣ ба кормандон, собиқадорон ва оилаҳои эҳтиёҷманд ва кормандоне, ки ҳангоми адои вазифа фавтидаанд, тақдим намуданд.
Мавриди зикр аст, ки аз рӯзҳои нахустини таъсисёбӣ то ба имрӯз мақомоти милитсия ҳамчун муборизи роҳи озодӣ, таъмингари волоияти қонун, тартиботи ҷамъиятӣ ва сипари боэътимоди давлату ҳукумат ба ҳисоб рафта, кормандони мақомоти корҳои дохилӣ тӯли 95-соли фаъолият баҳри иҷрои вазифаҳои масъулиятноку шарафманди хизматӣ, кӯшишу ғайрати худро дареғ надошта, ҳаёти осоиштаи кишвар ва иқтидори ояндаи давлатамонро таъмин намудаанд.
