Дар ҷаласаи иҷлосияи навбатии палатаи поёнии парлумон ба Қонуни ҶТ «Дар бораи амнияти саноатии иншооти истеҳсолии хатарнок» тағйироту илова ворид шуд.
Вакили МНМО ҶТ, раиси ҲКТ Шодӣ Шабдолов дар робита ба ин масъала изҳор намуд, ки мувофиқи тағйироти аз ҷониби ҳукумат пешниҳодшуда, аз ин ба баъд аттраксионҳои барои истироҳату дилхушӣ дар боғҳои фарҳангу фароғат ва дигар макони дилхушӣ насбшуда ба рӯйхати иншооти истеҳсолии хатарнок шомил мегарданд.
«Моликони аттраксионҳо акнун уҳдадор мешаванд, ки амнияти мизоҷони худро таъмин намуда, баҳри ҳифзи солимӣ ва ҳаёти корбарони аттраксионҳо тадбирҳо андешанд», – иброз дошт Шодӣ Шабдолов.
Тағйироту илова ба қонуни мазкур бо аксари кулли овозҳои вакилон дастгирӣ шуд.
