Санаи 26 феврали соли 2014 дар Вазорати корҳои хориҷӣ маросими баимзорасонии лоиҳаи «Мусоидат ба рушди сохтории Вазорати корҳои хориҷии Ҷумҳурии Тоҷикистон» миёни Вазорати корҳои хориҷӣ ва Барномаи рушди СММ дар Тоҷикистон баргузор гардид.
Бино ба маълумоти Вазорати корҳои хориҷии ҷумҳурӣ, лоиҳаи мазкурро Вазири корҳои хориҷии Ҷумҳурии Тоҷикистон Сироҷидин Аслов ва Ҳамоҳангсози доимии СММ дар Тоҷикистон Александр Зуев ба имзо расониданд.
Гуфта мешавад, лоиҳаи «Мусоидат барои рушди сохтории Вазорати корҳои хориҷии Ҷумҳурии Тоҷикистон» баҳри такмили ихтисоси кормандони ҷавони Вазорати корҳои хориҷӣ равона шудааст.
