Рӯзҳои 24-25-уми март дар Котиботи Созмони ҳамкории Шанхай дар Пекин таҳти раёсати Тоҷикистон машваратҳои байни вазоратҳои корҳои хориҷии кишварҳои узви СҲШ доир гардид. Дар ин бора ВКХ ҶТ хабар медиҳад.
Гуфта мешавад, дар ин машваратҳо масъалаҳои ҳамкории кишварҳои узви Созмон дар бахши таъмини субот ва амнияти минтақавӣ, аз ҷумла дар робита ба маъракаи интихоботи президентӣ дар Афғонистон ва хурӯҷи нерӯҳои эътилофи байнулмилалӣ аз ин кишвар дар соли равон, ҳамчунин ҳамкорӣ бо Афғонистон дар шакли дуҷониба ва бисёрҷониба ва як қатор масъалаҳои дигар баррасӣ шуданд.
