Дар маъракаи интихоботи президенти Украина нозирон аз Тоҷикистон иштирок намекунанд.
Роҳбари дастгоҳи Комиссияи марказии интихобот ва раъйпурсии Тоҷикистон Абдуманнон Додоев ба «Азия-Плюс» дар ин робита иттилоъ дод, ки сабаби иштирок накардани нозирони Тоҷикистон дар интихоботи президенти Украина ба масъалаи таъмини амнияти онҳо рабт дорад.
Ба қавли ӯ, барои ба сифати нозир иштирок кардани намояндагони ҷумҳурӣ дар маъракаи интихоботи президенти Украина Тоҷикистон аз Созмони амнияту ҳамкории Аврупо даъватнома гирифтааст, ҳарчанд қаблан дар таҷриба чунин ҳолат ҷой надошт.
Ёдрас мекунем, ки маъракаи интихоботи президенти Украина 25-уми майи соли равон баргузор мешавад. Рӯзи 19-уми май муҳлати бақайдгирии нозирони байнулмилалӣ ба итмом расида, дар маҷмӯъ 2784 нафар нозиро7и байнулмилалӣ сабти ном шудаанд, ки 289 нафарашон намояндагони 19 кишвари хориҷӣ ва 2502 нафарашон аз созмонҳои байнулмилалӣ мебошанд.
