Рӯзи сешанбеи ҳамин ҳафта нахуствазири Тоҷикистон Қоҳир Расулзода директори Хадамоти федеролии назорати маводи нашъаовари и Русия Виктор Иванов, ки барои ҷамъбасти натиҷаҳои амалиёти махсуси СААД «Канал-Южный Капкан» ба Душанбе ташриф оварда буд, ба ҳузур пазируфт.
Тавре сармушовири хадамоти матбуоти президенти Тоҷикистон Субҳиддин Муҳиддинов хабар дод, дар вохӯрӣ масъалаҳои тақвияти ҳамкории байнидавлатӣ дар самти мубориза бо муомилоти ғайриқонунии маводи мухаддир ва ҷинояткории муташаккилона баррасӣ шуданд.
Ба иттилои манбаъ, зимни мулоқот таъкид гардид, ки солҳои охир Тоҷикистон дар самти пешгирии нашъамандӣ ва ошкор кардани ҳодисаҳои муомилоти ғайриқонунии маводи мухаддир ба дастовардҳои назаррас ноил гардида, ҳамкориҳои мутақобилаи кишвар бо сохторҳои дахлдори Русия дар сатҳи қаонатбахш роҳандозӣ шудаанд.
Зимнан зикр гардид, ки ҷонибҳо ҳамчунин ҷараёни амалисозии Созишномаи баимзорасида байни Агентии назорати маводи нашъаовари назди президенти ҶТ ва Хадамоти федеролии назорати маводи нашъаовари Русия оид ба расонидани кумак дар соҳаи пешгирии муомилоти ғайриқонунии маводи нашъаовар, моддаҳои психотропӣ ва прекурсорҳои онҳоро низ баррасӣ карданд.
